أخبار السعودية

قصة الزين مع أمها.. قصة فتاة سعودية مع الحسد

الإعلانات

تداول رواد مواقع التواصل الاجتماعي عبر تويتر قصة فتاة سعودية تدعى “الزين”، فبعد أكثر من 5 سنوات معاناة تشارك الزين متابعيها قصتها عن طريق سناب شات، وقد تفاعل معها الكثير، حيث دشن المغردون هاشتاغ تحت  وسم “قصة الزين مع أمها”، ونحن في موقع شمس الإخباري ننقل لكم قصتها كاملة.

قصة الزين مع أمها

نشرت الزين قصتها مع والدتها عبر سناب شات، وبدأت القصة قائلة: “أسعد الله صباحكم جميعاً، اليوم بسولفكم عن سالفة صارت معي الله لا يجعل أحد يمر فيها، وأبغى الكل يستفيد منها، أنا إنسانه أعشق أمي الله يحفظها لدرجة ما تتخيلون، أعشق الأرض اللي تمشي عليهاـ وأمي خيرة تحملتنا أنا وإخواني مستحيل ينقصنا شي إلا تجيبه، وتبينا أحسن الناس في كل شي، كانت الأم والأخت والصديقة، كنت المدلعة عندها وفي نفس الوقت ما كانت ترضى إني أغلط على أحد أو أقل أدبي، والكل يثني على تربيتنا وعن محصلنا الدراسي”.

الإعلانات

وتابعت الزين: “المهم قبل أكثر من 5 سنوات أمي كانت حامل وكانت تتعب، فقررت أحول إلى دراسة عن بعد علشان أساعدها، طبعاً هي ما طلبت مني أنا أصريت اني أدرس عن بعد علشان إخواني صغار والخ، أخذت ترم فقط عن بعد وهنا بدأت معاناتي، صار فيه حريم يتكلمون عند أمي يا حظك في بنتك، والله بناتنا ما يقدرون يتركون المدرسة، مو حب في المدرسة بس علشان يغيرون جو وعلشان صديقاتهم وما يبون حتى شغل البيت “.

الزين تتغير معاملتها مع والدتها

واستكملت الزين قائلة: “مرت فترة وأنا صرت أتغير ع الوالدة ما ودي انها حتى تناقشني حتى لو النقاش عادي ما أبغى أسمع، وهذا ما هو طبعي أبداً، بس من داخلي أتعذب بس كان لساني مربوط اني أقولها حتى كلمة لبيه، الحالة عندي بدت تتطور ورجعت أداوم الترم الثاني وكانت وحدة من معلماتي الله يسعدها وين ما كانت، كانت ملاحظة وضعي نادتني في غرفة الإرشاد وقعدت تسألني علام وجهك متغير كذا، وانتباهك في الحصة مو اللي أنا أعرفه، وتسألني فيك شي، عاد أنا من طبيعتي ما أحب أشكي”.

وتابعت: “كرامتي ما تخليني أضعف قدام أحد، ولكن قلت الها ما فيني شي قالت طيب إذا حبيبتي تتكلمين ترى أنا مثل أختك، مرت أيام والنوم صرت ما عاد أنام مثل الناس ونفسيتي تعبت وأحلام الله لا يوريكم، ودايم أتحلم بحرمة أعرفها بس بشكل مخيف وأصحى أنا أبكي، وصرت دايم مشاكل مع أمي، بس كنت أذكر ما كان على لسانها إلا الله يصلحك، ما كانت تدري وش فيني لأنها طيبة وعلى نياتها”.

معلمة الزين تجد الحل لمشكلتها

وسردت الزين باقي القصة قائلة:”رجعت لمعلمتي لأن الوضع النفسي بالنسبة لي جداً صعب وصرت في صراع داخلي، الله لا يعيد هالشي، المهم قلتلها عن اللي يصير معي ومن ضمن اللي قلتلها عنه الأحلام ونفوري من أمي، قالت لي اسمعي يا بنتي كل يوم اقرأي سورة البقرة ضروري كل يوم وأذكار الصباح والمساء، أنا طنشت كلامها في البداية ولكن لما صرت أتعب وأشوف وضع أمي وتعبها معي، وأحياناً تقول يمكن فترة مراهقة ومن هالكلام”

وتابعت: “صرت أقراها وأضغط على نفسي بعض الحروف كنت ما أقدر أنطقها أو بالأحرى ما أقدر أكمل بعض الآيات، المهم صار في مدرستي مجلس أمهات، الوالدة حضرت وكانت قبل معلمتي محرصة علي إذا جت أمي لازم تكلمها (المعلمة كانت معلمة دين”، قالت لأمي البنت لازم تقرون عليها لأنها متغيرة 180 درجة ومن هالكلام، وأمي تفهمت الموضوع وودتني عند قاريء الله لا يوريكم استمريت فترة طوية أتعالج بالقرآن، وبعدها بديت أقرأ سورة البقرة كل يوم على نفسي، واتحسنت بشكل عجيب ويارب لك الحمد، رجعت حياتي مثل ما كانت وأفضل، واللي كان فيني عين واللي كنت أشوفها بأحلامي ع كلام الشيخ انها هي نفسها العاننة وكل هذا عشان خدمتي لأمي”.

واختتمت قصة الزين وامها بنصحية من الفتاة السعودية بالمداومة على قراءة الأذكار، مؤكدة أنها ستستمر في حب والدتها ومساعدتها في كل شيء قبل أن تطلب منها العمل؛ حفاظا على سلامتها.

الإعلانات|matched-content
السابق
نوتيلا حلال تثير جدلا واسعا على تويتر وشركة نوتيلا تقدم اعتذارها للمسلمين
التالي
كلمات أغنية لولا حبك فضل شاكر مكتوبة وكاملة

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.