طرحت النجمة المغربية سميرة سعيد أغنيتها الجديدة المنتظرة بعنوان ” سوبرمان”، اليوم الخميس الموافق 2 أغسطس 2018 عبر قناة روتانا على اليوتيوب بعد الكثير من التشويق والانتظار، أغنية سوبر مان من كلمات شادي نور، ومن ألحان بلال سرور.
كلمات أغنية سوبرمان سميرة سعيد مكتوبة
بقى دى اللي كان طيب وحنين
ورومانسي كمان
كان هو العاشق الولهان
كان بيحب الدنيا وكلو جنان
كان سندي وضهري وليا امان
بقى بارد جداً بقى دمه تقيل
بقى ندل قوي وطماع وبخيل
البيه اللي عاملي انه مؤدب وجميل
بيجيلي مدروخ نص الليل
بقى بارد جداً بقى دمه تقيل
بقى ندل قوي وطماع وبخيل
البيه اللي عاملي انه مؤدب وجميل
بيجيلي مدروخ نص الليل
بقى كسلان ومأنتخ كرشه قصاده شبرين
قاعد ياما هنا ياما هناك
بقى منكوش ومبهدل
شخص كئيب وحزين
نكدي وسلبي وعصبي وشكاك
كان مهتم بنفسه وسيم ورياضي وشيك
زي لاعب كوره او فنان
كان اول ما أحتاجله يقول شبيك لبيك
كان هو في نظري سوبرمان
اللي مجنني مع كل ما فيه
انا لسه بحبه وباقيه عليه
شوفتوا المأساة شوفتوا الافيه
ده الحب ودي عمايله وبلاويه
اللي مجنني مع كل ما فيه
انا لسه بحبه وباقيه عليه
شوفتوا المأساة شوفتوا الافيه
ده الحب ودي عمايله وبلاويه
ياما لاموني وقالولي وزنوا عليا كتير
اسلوبك ده ما ينفعش معاه
طول ما الراجل عارف العصفورة مش هتطير
هيفضل يعاملها بلامبالاة
كان مهتم بنفسه وسيم ورياضي وشيك
زي لاعب كوره او فنان
كان اول ما أحتاجله يقول شبيك لبيك
كان هو فنظري سوبرمان